好耐無買HK Express機票, 一買就出事, 條龍長到離X譜, 排左一個小時可以原地踏步, 攪到final call我地衝埋counter叫職員攪左我地check in先, 點呀?! 唔通一定俾$105去"優先服務"先得! 順利到達福岡小機場, 再過對面租車公司拎車, 自駕遊馬上開始... 第一及二晚揀左住博多區Richmond Hotel, 酒店有個自動泊車系統, 放好位置就走得, 好正! 位置一流, 可惜房間唔多大, 尤其三個人訓一張標準床 :( 為左可以夜D食佐賀牛燒肉, 我地先去Cafe醫肚, 再逛下Yodobashi Camera。 話說網上看見博多呢間佐賀牛燒肉, Blogger話抵食又好食, 炭爐BBQ烤出juicy燒肉, 但是我上網訂位不成功, 於是當晚一到埗即刻走走"人肉"訂位, 姐姐好好人reserve 9點俾我地, 果然全晚人頭湧湧, 我地order一個二人餐, 另外再叫side dish, 燒肉好味唔在講, 連冰鎮番茄都出奇地好味, 潵上鹽花增添了番茄本來的鮮甜感, 真係好想再encore, 不過好似太癲吧?!
0 Comments
話咁快又最尾一日, 好唔捨得走呵... 原本佢地心思思作最後"按摩衝刺", 可惜太早人地未返齊人, 所以我地三個都係MBK行下街算啦, 唔知點樣好邪又入左去Naraya, 昔日好旺的手袋品牌, 家下靜到烏蠅飛過都知, 作為熱心遊客盡力又幫襯下咯, Jo好用心揀個送俾阿媽, Fong揀左個小袋送俾契女, 我隨手揀幾個幾何圖案的環保袋, 送禮自用一定用得著, 11:30 shared shuttle bus準時到達, book好車真係爽YY地去機場... 到了機場後, 仲以為好多時間淨可以去攪tax refund, 點知條龍長到癲, 仲要發現要入閘前去custom counter蓋章先有得退, 頂, 浪費左成大半小時Shopping時間, 好彩Mango Tree真係如傳聞中好味道, 飲凍咖啡順番條氣...
後記★感恩三張床大家可以揀到舒服訓位★感恩大家日夜都無爭廁所★感恩大家陪我拍癲婆影片 ★原來超市都可以買到爆喼★大家成功去旅行後無反面★真係唔知何年何月可以再安排Hea爆姊妹團 今天完全Hea遊Termina 21, 講緊可以spend左6小時係度買野食Lunch再DIY再食埋Tea先走, 真係史上旅行商場奇蹟~~ 朝早我地搭BTS去Asok, 派左"冬陰Jo"去以最正宗泰文埋去counter買車飛去Asok, 由事前rehersal到真係走埋去買, 果個"阿傻"發音活龍活現, 笑到我地碌地, 可能我地太嘈最後入閘時俾實Q安檢背包先可以上車, 哈哈! 呢段片好值得我地再三回味~~ 去得泰國無人唔識Termina 21, 事關成個商場以機場為設計點, 每一層都好似飛左去一個國家, 感覺好fresh好有特色, 我個人覺得London果層好正, 連洗手間門口花盡心思設計Underground主題, 唔影多幾張點對得起設計師呀 ! 發現一間滿是Duck Tee本地創作Tee店, 將全部耳熟能詳的卡通人物化身成為Duck, 真係好攪笑又創意十足 :D 即刻入左件俾阿仔和表弟仔做手信... 食完lunch之後我地悠悠閒經過一間Scent leather shop, 有幾位香港人DIY匙扣, 雖然只係簡單皮款, 但質素明顯比夜市靚, 加上店主用心壓印每一個名字兼包裝, 我地一時間雙眼發光, 店主見我地齋等咁悶, 即場送幾粒圓形皮叫我地自己試"揼"下, 我地三個人好似join左DIY班坐左成粒鐘, 兩百蚊真係又玩又買又影相! 無野好做搵左間空中電車Cafe坐下, 講真如果香港有呢類Gimmick主題Cafe一早大排長龍, 邊得好似我地咁hea住睇下menu食咩先入去揀個電車位, 仲周圍無咩人, 咖啡蛋糕都好好味, I Love Thailand♥♥ 是日行程5點走去開飯, 幾番波折book好阿Jo介紹泰國餐廳 - Savoey Seafood Co, 地點有d偏僻(唔近BTS站), 所以打的士去穩陣, 唔知點解由Termina 21去只需要十分鐘, 所以仲好猛陽光時候準備去食晚餐... 進入餐廳第一個感覺係餐廳裝潢好有氣派, 似坐底叫幾支紅酒高級餐廳, 同我地幾個穿短褲的Mou利格格不入, 侍應安排我地坐去落地玻璃大廳位置, 又另一番別緻優雅感覺, 即時覺得好好多, 起碼唔驚嘈親食客! 出奇地餐廳價格唔貴, 菠蘿炒飯堅好食, 帶子粉絲好惹味, 大家勁愛冬陰湯, 而服務相當好, 不時有位高級識講英語的侍應走黎同我地吹水, 叫我地可以參觀粉紅大象廟, 非常靈驗之類~~
♥♥非常值得推介的餐廳♥♥ 夜晚8:00預約Let's Relax按摩, 十年前覺得呢間好正, 俾$400就有舒適獨立房加VIP服務, 但今非昔比, 我地三個試磨砂按摩套餐, 以前舒服到訓晒覺, 依家居然間房凍過雪櫃, 再赤背上放上磨砂, 越磨越凍起晒雞皮, 沖身時亦好難洗去砂粒, 唔通要全身沖一次涼先掂 (Shit)?! 完全無享受的感覺 =.=" 11:00趕收工Feel, 我地按完出黎已經關淨門口reception燈, 甜品仲要趕住食... too bad... 由於Package無包早餐, 今早我地去左隔離人地appartment餐廳購買$50自助早餐, 沙律雞蛋火腿牛角包多士栗米片+任飲果汁咖啡, 對於我黎講非常抵食 :) 於是我地連續3日都係度展開新的一天... 今天我地好癲行左兩間大超市, 首先去左酒店附近Texco, 大到無輪...會迷路果種... Bulk Pack平到笑, 瘋狂Shopping中... 搭BTS去水門市場, 點知無想像中咁多野行=.=" 結果我地去左Big C一轉, 原意買豬肉乾交功課, 之後趕去BodyTune做Massage再去Asiatique夜市, 點知限一小時Shopping下, 竟然大家買到爆急, 要存放係超市, 回程返去拎, OMG?! 記得之前去泰國都試過傳統泰式按摩好正, 今次BodyTune再做, 感覺唔多好, 一來按摩地方開行冷氣, 又露晒成個背部出來, 全程只覺得陣陣寒意, 享受唔到relax心情, no good :( 二來按摩師身型好夠份量, 下下壓落黎, 完全抖唔到氣, 即時唔敢做"甩腰""Lok頸"動作, 我驚返香港有排醫... 飛快6點鐘入去Asiatique夜市, 聞名不如見面, 一片歐陸風情, 不過我地搵左間泰國菜館醫肚, 味道一般啦, 主要食環境咯, 馬上去Shopping... 夜市最大收穫係幫朋友整左Passport Holder, $25/個包晒名字及徽章, 超筍手信!! 另一個亮點是找到泰國BKK袋, 唔知幾時呢個品牌好Hit, 款式又潮又多, 風頭蓋過老牌Naraya, 成為港台旅客至愛~~老實講呢個價錢質地好唔錯, 500銖三個, 我即時入貨, 至今成為我lunch bag :D
逛了一陣已經好攰, 再想起返去Big C拎袋零食, 天呵, 我地係咪傻左.... 期待已久三個傻婆去旅行終於出發鳥! 不過唔知攪咩今天香港得15度, 要著埋羽絨上機, 飛去27度的泰國... 已經有23年無再同閨密去旅行, 天氣無礙興奮的心情...出發Lu... 順利到達曼谷新機場, 不過條龍長到你唔信, 打去cancel今日預約afternoon tea set, 仲差d以為自己會餓死機場, 好彩有先見之明, 網站上book定shared shuttle bus直達酒店, 好爽YY 今次真係好想讚下自己的眼光, 完全揀岩酒店, Siam@Siam Design Hotel三人房超大, 打開晒大家個急, 中間開多檯麻雀仲得, 單人床夠寬敞, Location又正, 行兩步已經到MBK, Siam Centre, Siam Discovery中心點, $3200 五日CX Package夫復何求?! 阿仔睇左沖遊泰國節目之後介紹我去Little Zoo Cafe, 呢個行程岩晒Auntie Jo, 她勁開心同白狐狸合照, 芳芳都驚爆下都影左, 但我怕怕地牠會背上行來行去感覺 0_0" 我選擇入去靜態區搵懶洋洋狗仔, 任抱唔嬲 ~~玩完一輪開始Shopping先, 入左一間叫Eveandboy連鎖店, 我地左試右試都可以逛一個小時, 我最後買左兩支香水膏, 包裝好靚, 做手信一流~~呢d同閏密去旅行的好處, 逛一小時化妝店唔會俾人咋型~~ 行兩行已經入黑, 地標梗係要影下啦... 實行喪影呀... 入左去Siam Discovery搵野食, 見到有間超大Moomin Cafe, 完全唔使排隊, 公仔多過客人任你坐, 好有衝動想入去, 不過我地目標係Gojuu Sushi放題, 所以影下相打卡算吧! 講起呢間餐廳好笑, 一直都plan左第一晚去呢度, 不過芳芳出發前唔舒服, 所以大家agree唔食生冷野, 不過唔知做咩行行下又去到Gojuu門口, 覺得好熟口面... 結果好有緣份之下又食到 :D 面對英文日式放題menu有d click手, 我點左Shrimp Dumpling, 以為咩蝦卷, 點知見到籠蟹子燒賣 =.=" 咩事呀?! 我唔係黎飲茶喎。。。回程時俾我地發現酒店附近有間Lek Massage Shop, 價錢勁抵, HK$90一小時foot massage/head and shoulder massage, 我地三個即刻入去試試, 佢地按腳, 我就按肩頸, 手勢OK, 成個頭鬆晒, 90蚊絕無欺場!
旅程的最後一天。。。我地走去享用Starway免費送的汗蒸幕劵, 搭地鐵去首爾站Siloam Sauna, 韓劇時常出現的汗蒸幕場景, 我地終於都入去試下~~ 門外影相時仍然好寒冷, 快步走入Siloam, 即時感受一股暖氣, 先去2/F換上指定Tee+短褲, 鎖好背包後就去4/F會合老公和仔, 汗蒸幕原來好寧靜, 真係俾人休息地方, 唯一最嘈係兒童遊戲室, 阿仔見到馬上跑入去, 遇上一對香港couple, 佢地岩岩到步休息, 再出發去滑雪場, 傾左一陣發現大家都參加Starway滑雪團, 所以大家都黎左呢間汗蒸幕, 哈哈~~汗蒸幕有唔同溫度選擇, 我試左22度堅炭房, 空氣好冰涼清新; 而老公試左86度高溫室, 他一入去果陣熱風已經feel到非常Hot; 阿仔仲攪笑鐘意入-4度水房, 佢話好正~~ 甜米釀及雞蛋是韓國汗蒸幕傳統飲料及食品, 梗係要order黎試下, 甜米釀味道微甜, 無咩酒味, 不過冰冰的很快喝完, 大家可以拿個小枕頭隨意睡在地上, 舒緩緊張壓力。。。之後我入左女性專用土窟房, 一個個獨立紅色小山洞, 不少女士真係訓著左, 我爬入一個試下咩感覺, 隔左一陣點解我果山洞無紅色, 發現原來自己要"開燈"=.=" 究竟紅燈有咩功能? 唔識韓文所以都唔知。。。 之後我地發現3/F是娛樂區, 有幾張按摩凳, 卡拉OK室, 仲有一間Ping Pong室, 我地打左半小時先去食堂, 食堂地方唔細, 阿仔揀左席地而坐, 先購票再取餐, 可惜阿豬媽唔多識英文, 連用number order野食有困難, 講左好多次先掂~~點做遊客生意呀! 不得不提飯後見到有個corner位, 有一個石仔池, 放雙腳入去暖暖的好正, 正到想坐係度訓一訓, 不過時間已到要閃人, 下一站去對面Lotte Mart逛下就返酒店拎行李。 好似成個行程夾唔岩去樂天百貨/超市, 行李已爆之下, 唯有放棄超市, 上百貨逛個圈算啦~~都俾佢地最後衝刺買到野, 好似得我一個Shopping唔好意思既, 所以叫老公買件Dickson衛衣, 阿仔買左個近排好興唔知咩動作的公仔 :D
回程三個急兩袋野唔算誇啦~~又俾我係機場見番Paris Baguette, 麵包咖啡依然出色, 選擇花多眼亂, 唔少人排緊買捲蛋糕, 我又順手買兩條當手信, 回家食了一條果然真係好美味~~原來同事都識呢間麵包店, 真的很出名~~ 連日發現酒店附近Mister Donut早餐最抵食, 又去encore~~順便可以入隔離南山谷韓屋村參觀一下, 以前黎過但阿仔太細個, 他無咩印象, 所以見近近地入去望下 :) 不過是日凍到韓屋小湖已經結冰, 我地完全唔想拎隻手去影相狀態下, 只可以戶外堅持一陣即走... 下一站挑戰梨花壁畫村, 就快俾政府取消呢個景點, 因為居民投訴旅客太多擾民, -3度氣溫下爬上山走錯路, 真係好想放棄 T_T 總覺得旅行輕輕鬆鬆去享受, 老公堅持之下又終於搵到隱世壁畫, Yeah! 凍都無朋友落番山, 馬上去搵食暖暖身, 附近有好出名的"橋村炸雞", 太好了!! 黎左幾日未食炸雞, 實在太離譜吧!! 橋村炸雞新鮮即叫即炸, 唔係KFC咁一order即有, 所以再餓多半小時先有貨 0_0" 炸雞果然外脆內滑, 好好味, 不過dry左d, 點解真係只賣炸雞和啤酒?! 想食下其他野都無... 既然咁Dry, 於是我地出發去浣熊咖啡店, 飲杯咖啡食件Cake~~第一次踏足淑大站, 原來一條街好多間Salon, 攪到我心郁郁好想衝入去剪番個韓式頭髮~~繼續冒住十級強風去搵傳說中的Blind Alley Cafe, 戴住口罩仲覺得超凍, 千祈唔好撞正休息日 *_* 好彩順利入座, 一間好warm Cafe... 阿仔好鐘意浣熊, 出出入入room幾次, 又夠膽近距離餵食, 我平時唔太敢去摸行動敏捷的小動物, 店主好nice將一隻肥DoDo浣熊俾我抱, 佢好乖係我懷中玩玩具, 軟綿綿感覺好似baby好特別 :) Blind Alley都係值得一去的地方 入夜後進入弘大, 真真正正變左冰人的一晚!! -5度氣溫完全減低逛街的意慾, 行兩步即刻走入有暖氣的地方, 難為兩隻野仲可以係條街捉精靈打道場, 係咪傻左?! 阿仔見到Block Burger, 即刻話入去食飽, 間野細到得兩張檯, 所以只買一份俾他頂肚算啦~~阿仔變左一條雪條~~ 越夜越凍, 寒意入心, 結果我地未肚餓要衝入去韓燒店, 隨意點左豬肉牛肉, 為的是暖下身~~原來已經跌到-7度~! 好似未試過去韓國咁凍到入心入肺, 講野可以打冷震果種, 連阿仔話痾尿會出煙 0_0"
今天是全個旅行行程的主菜 - 滑雪一日團! 為左唔好失禮人前, 我地三個隕先香港學了一日速成班, 有初部概念, 不過今日可以大聲同大家講.... 完全兩回事!! 唔好以為地毯上滑得下, 當自己識得滑雪>_< 晨早7點吹住風去明洞集合, 真係上車有暖氣已經想即訓, 先載我地去租雪褸雪褲的地方, 現場一片混亂, 各人都搶衫搶褲搶去試, 再上車派高級防霧眼罩, 直接去芝山雪場, 以為一個鐘車程時間尚早, 已經有一堆人練習場滑上滑落, 教練叫我地要小心呢班穿橙色衫只會撞倒人先識停的大陸人=.=" 最意想不到係我地練習跌倒再起身時, 我唯一一個完全起唔到身, 感覺對鞋有虛位, 未能拗到雪地起身0_0"成班人望住我, 最後老公扶起我, 簡直冒汗... 有諗過係咪要換鞋呢?! 練習場試滑下時又好順暢, 大A又做得好, 所以無再在意呢個問題... 午餐後再練多一次已經排隊上山... 仲未知死... 排左45分鐘上左纜車, 醒起唔知點落車時已經指示要跳車, 三個訓左係雪山頂, 著住雪橇好難即時起身, 阿仔再被後面纜車撞倒一次(發出呀一聲), 即時俾工作人員"拖"離危險位... 而我地爬離落車位... 果時先識死...究竟我自己跌倒起唔番身點滑去山腳呢?! 大家影左幾張美絕山頂相, 我又嘗試山頂起身, 發覺真係非易困難, 因為斜坡雪又滑, 無力仲未起到身, 要勞煩老公拆左雪橇幫我, 不過我同阿仔滑兩下撞埋山邊, 不過大家分別唔同位置, 他大叫問: 咁點算呀?! 我只好叫他自己搵方法落山, 救佢唔到! 為左唔想阻住老公進度, 山頂又開始日落, 最後我拆左雪橇徙手拎住慢慢行落山, 又避開滑雪玩Snowboard既人, 雪橇又好重, 雪面又滑好冼腳, 我話左下次唔再玩滑雪, 堅辛苦先4點行到山腳 T_T 已經準備集合走人...嗚嗚..究竟我大半日做左咩... 好彩老公和阿仔自己碌下碌下都落到山, 幾驚佢地有咩意外... 夜晚7點先返到明洞, 其實已經好攰, 誤入柳氏家以為食炸雞, 好似香港見過呢間餐廳, 不過未試過, 點知原來食鐵板炒雞, 仲要都幾辣, 阿仔食得好少... 算啦... 食完去行個超市掃貨...
一早起身大雨到暈, 我地果然有先見之明, 今天去SeaLaLa水世界, 完全無俱風雨阻礙~~ SeaLaLa地點難搵, 加上好大雨, 最後有位好心司機帶路, 原來是一座大樓入面, 付了入場費之後, 先鎖好對鞋, 再入去換泳衣, 無想過韓國女士都穿長袖潛水衣+Cap帽入去, 去水世界仲keep住咁型, 攪到我戴住泳帽好像有點傻 >_<" SeaLala分有大仔和細仔區, 大仔長滑梯非常刺激, 細仔小滑梯又好可愛, 仲有Playroom爬來爬去地方, 成個場採用暖水池好舒服, 不過我手機放入防水袋之後, 發現拍出來照片全矇茶茶, 但又唔敢唔用... SeaLala內有餐廳, 可以用匙扣紀錄用餐價錢, 再Check out一次過付款, 我點了牛骨湯飯, 阿仔黎到韓國愛上了餃子, 他點了一份蒸餃子餐, 哇, 大份量到呢, 好快周圍既人都望住我地...飯後繼續再玩到4點左右先肯走, 其實都浸了四小時啦~~少爺~~浸完個人好攰, 搵間咖啡店hea下先~~ 令人瘋狂的時候來了! 來了永登浦地下街!!!! 周圍都是5,000~10,000won物品, 真係飯都唔想食, 哈哈!! 癲左半小時, 主攻衛衣毛衣, 地下街很難買下身, 再同兩位大爺去神仙雪濃湯!! 又是一個必食餐廳, 可惜都係失望而回... 牛骨湯竟然無咩味道, 要自己加鹽去調味?! 是個賣點?? 我只能講總算去見識過吧...
今朝一早勁啦, 食完早餐即刻飛去明洞地下街, 事關阿仔對鞋裂左底滲水報銷左, 要拿拿林去買對新鞋! 阿仔對新鞋非常滿意, 拉鏈有毛毛底又暖又易穿喎, 忽然發現他對腳竟然要穿女裝36碼, 連店主都嚇一嚇~~ 食個午餐搭地鐵去兒童大公園, 唔使入場費, 不過真係成座山咁大, 跨過座山先到遊樂場, 絕對考驗耐力! 遊樂設施其實有點舊, 不過勝在少人玩, 阿仔玩左幾轉碰碰車, 動物園卻設計得很好, 只要沿圓圈路線走, 可以新距離走訪不同動物, 佢地擺晒pose同你影相, 只係隔住玻璃咋! 比台北動物園有趣盞鬼 :) 夜晚去了新村, 早已經忘記左係咩樣, 加上擺了聖誕街檔, 非常有氣氛!! 我走入化妝店掃貨, 老公和仔係門外捉精靈, 買好後看見阿仔用綿花糖變成了聖誕老人樣子, 忍唔住大笑 :D 又幾似喎! 周圍都有聖誕表演, 我地隨便走入一間小店晚餐, 韓式拌飯及烤肉很不錯, 來了新村當然少不了去Shopping, 平宜衣服不少, 不過岩我身型又不多, 同埋點解款式間間都是差不多呢?!
|
Travel旅行令心身更健康! |
我的网站 | ✈ travel ✈ |