最近做野做到唔想做, 不停聽見公司生意好差, 明年絕對凍薪, 極可能返四放一, budget唔知點做好, 仲要sell下自己部門value, 唔使錢又唔得, 使錢又唔得, 有時唔知想我點?! 11月時留意青協開左兒童遊戲治療師課程, 內容幾有趣, 一邊遊戲一邊觀察, 幾岩自己童心未汶性格, 所以報名上堂充實一下自己, 可以發展其他興趣唔錯~~
班房座位呈U字型, 方便看見老師示範, 好耐未做番學生, 一班20位同學仔, 有岩岩畢業, 有做社工外展, 有家長, 有長者, 有父母, 各色各樣職業及性格, 感覺好新鮮, 起碼同日頭見果班同事好唔同 :P 老師以係係小學老師, 後來研究心理學, 再學習兒童遊戲治療, 家下每日為唔同家長解決小朋友問題, 所以上堂時她個tone完全小學老師上身, 溫柔到不得鳥... 上了幾堂原來唔容易, 唔係話一個小時同小朋友玩下咁簡單, 當中tracking技巧, 點樣去預設再遊戲中觀察, 做到好似陪佢玩, 但實際無參與, 但令小朋友真正放鬆和信任, 真係要實習見多D先成功, 同時輔導家長, 令佢地明白咩問題引至小朋友負面情緒, 但唔可以透露遊戲詳情, 包括玩左咩, 小朋友講左咩, 因為唔想小朋友發洩完返去又受壓力, 下一次他唔會再相信治療師啦! 所以唔係咩人岩做治療師, 好睇果個人性格和聲線, 有D人本身望上好似"黑口黑面", 明明無野以為你嬲豬果D, 絕對唔岩做! 1月要交實習功課和考試, 比起讀Marketing, 呢一科更加有趣和變化大, 如果他日有機會可以轉行, 我覺得一份有意義的工作, 可以幫助唔同的家庭, 而唔係日日交埋俾人睇門面功課!
0 Comments
最近我諗如果有日我離開公司, 咩人會想做我個位?
如果岩岩Fresh Grad畢業生, sorry, 呢個部門係One Man Band, 無teammate教你野, 又無野可以學, 自己睇番前人file跟, 不過亦無人理你出唔出廣告, 有幾多人睇過, 自己執生睇下捱Lonely職位幾耐~~ 如果想一展所長中女, 身為代理商受制於manufacturers, 無好好計劃品牌宣傳, 年年都話無budget可以攪活動, 你手上budget唔知做咩, 但年年都要有唔同, PM交行貨廣告, 完全同公司業績無關, Marcom只視為supporting staff only, 自己執生睇下吽幾耐~~ 如果想Hea做等收工媽媽, 每月大會你又要講得出你對公司有咩貢獻, 係咪對得住份人工, 所以平時要自己"一人"搵定目標, 再威脅下PM交稿/微信活動, 咁先有野可以寫下, 遇上高層唔想做task就會醒起你存在, 一個波踢左俾你, 如諗下中美貿易戰對國內廠威脅, 係咪應該搬去越南等等, 自己隨時要網上進修去補飛, 自己執生睇下可以hea幾耐~~ 如果我老細了解以上的事實, 唔知仲會唔會將我email逐個字琢磨標點及grammar, 再加一句: 你英文唔夠好! 如果你問我點解作出呢個決定, 真係不知從何說起...
呢位姐姐做左一年零兩個月, 性格夾唔到不得只, 做野木口木面, 咩都好似有困難, 唔鐘意cooking, 甚少溝通, 一出聲通常同我地借錢, 連去海洋公園無錢叫我科住$500俾她先, 忘記左導火線係咩事, 我上年12月時搵番CJ返黎做, 她不知幾happy話無問題, 出去經過風浪果然乖巧左... 拿拿聲搵agent攪好晒文件, CJ返去老家等我召喚, 唔知做咩一直無入境處批VISA消息, 原來搵CJ做一輪問卷調查先得, 如事者過了5個月先正式批好, 我同姐姐講ByeBye, 原意和平分手, 點知她發晒難要我寫有Financial Problem, 因為她已經搵到另一份工, 我地話要考慮下, 她每晚又喊又Lur又發脾氣, 話我當日唔想同她完約唔好簽她, 後來知道呢個Reason對我地好大穫, 隨時以後請唔到工人, 所以最後即時補水炒她算啦, 帶左她落去agent埋單, 她好錯愕忽然俾人炒, 即時發難話我地要賠足兩個月先岩數, 叫我地打去入境處問下?! 她思緒已經混亂到一個點... 我無法再收留她... 唯有幫她叫車走... 常識科忽然出左份復活節功課, 叫大家揀個產品拍條廣告片, 從中學習媒體及廣告的利弊, 非常活動式教學~~ Teammate跟座位安排四個人一組, 阿仔同主席仔一組 (流汗), 然後回來通知我開Whatsapp Group做功課, 開頭以為老師安排佢地生活營拍片, 原來自己約出黎拍片加剪輯, 主席夫人馬上主動叫晒我地去她屋企拍片+BBQ!! 村屋果然地方大好多, 拍攝完全無難度, 我地家長純粹幫手揸機, 佢地自己度好晒條橋, 仲分晒角色道具, Story作得幾好玩又Creative, 後期剪片加音樂交左俾主席夫人負責, 三兩下手腳真係有電影感, 果然iPad內置app好掂! 班友仔火速拍完片梗係又打機又BBQ, 其實主席一家人好nice, 四個男仔玩得好開心, 仲得到VIP招待, 由主席負責燒乳鴿, 即時露台風煙四起~~估唔到佢屋企可以有部老虎機, 最離譜係街機Street Fighter都有, 咩料呀?! 最後玩左一輪拉佢地先肯走, 臨走發現廁所有一股泰國做Spa時relax氣味, 原來是Lemonglass香薰, 據說是主席夫人返鄉下(當泰國係鄉下)時買, 的確令我好想放番一樽係浴室 :) 成日見到Hokobuy有優惠去影專業Profile Pic, 我覺得係時候亦要影番一輯見人, 於是網上買好Owl Photo優惠卷再打去約了星期五下午拍照, 事前收到Whatsapp提示, 感覺服務非常細心 :D
Owl Photo會免費提供服裝及化妝, 到埗後首先去挑選合身的恤衫及外套, 諗唔起幾耐未穿過正統的返工衫, 可能只有見工果刻會咁樣著, 之後化妝姐姐幫我再加下顏色, 畫粗條眼線, 馬上精靈晒~~ 攝影師幫我先拍了幾個西裝Shot, 略嫌我表情生硬 (可能因為西裝褸好窄身), 又擺唔出專業人士動作, 所以叫我換番自己果件悠閒款恤衫, 坐下托下頭反而效果仲好, 睇sample時幾滿意, 無諗過Profile Pic可以拍出親民及豪邁的一面, 唔一定只有"律師款", 拍攝過程好快好有效率, 等兩個星期執相收貨~~ 晨早起床陪太子打籃球, 最近阿仔係學校迷上打籃球, 一星期打足三日小息, 仲叫我整番件有名的籃球背心俾他, 我希望他可以運動下快d長高, 但籃球場真的太熱吧@.@ 我半小時投降了...
黃昏約了同學仔一齊去Super Park, 因為今次第二次去, 所以已經知道有咩玩, 阿仔竟然無去玩滑車輪, 成班同學入場後走開晒各自去玩, 結果得番我地一班媽咪排下滑車輪和飛索, 加入佢地打左幾轉手球及籃球, Super Park去兩次真係夠皮, 個場話大又唔大, 話細又唔細, 其實大人無咩野玩, 坐埋一邊無聊吹水hea都用左一小時... 上次兩家人去真係落場玩下都好d, 今次媽咪排好隊無啦啦叫阿囡黎玩, 咁即係點?! 做咩俾$150入黎做排隊黨... 復活節的第一天跟媽媽慶祝生日, 今年邀請婆婆+嘉舅父一家出席, 揀了太古城Mr. Steak餐廳, 大家可以點了主菜後, 隨意出去享用前菜及甜品, 比起食日式放題可能更好 :D 開餐前先去公園放電... Mr. Steak主菜質素唔錯, 不過唔知做咩我果份豬柳堅厚, 看見都覺得飽=.=" 當晚婆婆食得開懷, 仲出去不停食甜品, 我事前同餐廳溝通過, 他們可以為壽星女準備一件小小生日Cake, 用朱古力寫上生日祝福字句, 當作一個小小驚喜吧! 是晚阿媽非常開心, 有家人相伴慶祝生日, 比起收禮物更有意義♥♥
★鳴謝老公又出錢又出力★抵錫 唔知係咪年齡開始大, 骨頭坐得多又硬, 仲要好似唔夠氣, 所以2月份起我又報番跳舞班運動下, 跳開Danz Avenue又搬左去觀塘, 搵到美孚iDance跳住先, 叫地點近屋企, 放假上堂都OK~~
一路話要減走肚腩的老公, 終於掟起心肝買了一架健身單車回來, HEAD單車細細算幾實淨, 後來我再配埋專用地墊, 睇上去好似幾專業, 放左係Sofa隔離, 夜晚睇下TV都可以踩番一個小時, 起碼叫有郁過啦!~~不過往往老公踩車時, 我就食雪糕, 仲要分半杯俾他, 哈哈~~ 而阿仔出Camp見到健身單車即刻發晒光, 點知未夠腳長, 唯有等多幾個月:) |
Oscarmama拒絕做怪獸家長, 希望每週可以跟孩子好好去玩, 讓他體驗讀書以外的甜酸苦辣, 享受生活首要讓自己確實的體會, 感到生命的動力。 |
我的网站 | blog |