0 Comments
初九同學仔團拜活動約係幸福山莊, 之前聽過地方OK又可以玩釣蝦, 所以book左下午入去釣蝦+BBQ套餐, 開頭驚車位太少, 所以搭西鐵轉輕鐵入去, 點知車位多到呢... 到達後即刻走去釣蝦玩下, 本來覺得釣蝦已經好不可思議, 見到蝦餌原來是蝦干, 心裡有千萬個問號?! 食番同類而上釣?! 唔係卦?! 果然大家不停等待上釣, 同時蝦係會閃走而失落, 後來女同學"發明"強鉤蝦上黎, 結果大成功 0_0" 個個唔執書進行"強鉤蝦身大行動", 最後15分鐘收穫豐富~~上釣蝦必須購買, 每家人大約付$80, 再去燒蝦區灑鹽烤熟, 大頭蝦出奇地爆羔勁好味~~鳴謝全場最受歡迎烤蝦小王子~~ 歎左烤蝦之後, 幸福山莊專業開爐團隊即時搭建四磚火爐, 四邊通風果然爐火熊熊, 正呀! 食物唔算超水準, 一般BBQ食品, 不過放晒入雪櫃夠晒衛生, 我地揀左湖邊兩張檯及兩個爐, 好有野餐休閒感~~細路有佢地出去釣魚區玩, 我地大人吹吹水又過了3小時, 夜晚8點半先散水~~
今年已經是小五, 究竟仲可以享受多少年同學仔團拜活動? 通常長假都會跟2Ling相聚一下, 聖誕佢地去左我地屋企, 新年又輪到去馬鞍山相聚, 她介紹我地去Casa Cafe食午餐,餐廳location不易找, 因為向海邊方向, 但反而地方清靜又舒服~~想像可以hea足整個下午~~ 當我地order food時, 班細路出去長廊跑來跑去玩Scooter , 活動空間好大, 2Ling忽然送我一個保溫袋, 話我可以帶飯盒返工用, 保溫袋充滿日式簡約風, 不帶飯盒也可以當Lunch Bag吧 :) 以前2Ling好爽朗男仔頭, 自從她過渡了全職媽媽時期後, 最近覺得她多左一份女人的細心, 當然Tony一定有功勞吧! 是日焦點係Evan已經玩到用instagram拍片, 仲教仔拍d一跳去左後面玻璃窗剪接片, 時間掌握得神乎奇技, 睇到我都O晒咀!! 唔怪得家下個個都成為youtuber, 只要有創意又有人buy就可以殺出一條血路~~
行完花市之後, 初一初二拜年團正式展開, 由於決定初四先去婆婆屋企拜年, 所以初一唔使兩頭騰, 可以安心等細妹上黎拜年之後就出發去阿媽屋企, 感覺時間輕鬆好多 :) 老豆整左個勁大盤菜, 配上各式糕點, 食得好飽, 不過最出奇係蘿蔔糕失準了, 阿媽煎完出黎無咩味道, 唔係教完人地兩堂, 又送埋俾舅父之後, 竟然自己果轉失手鳥 T_T 再加老豆一句: 自己整梗係唔夠師傅黎啦, 唔通你係二伯父咩! 心情落左落谷底... 當然我唔會覺得自己係師傅級數, 之但係我整左兩年fine tune過份量, 出黎作品絕對唔會咁~~反而馬蹄糕又無事, 點解呢?! 好困擾...仲要初二拎去姑姐屋企, 點算?! 初二拜年團第一站去我地屋企, 飲茶後上黎交換拜年手信, 再殺去三叔屋企坐下, 最後一站去姑姐村屋, 由於4點去元朗拎盤菜, 所以今年未天黑已經到尾站... 仲可以係天台睇住日落吹住風煎糕, 阿玉首先急住散貨(媽媽牌蘿蔔糕), 我都拿拿臨煎左鴻星芋絲糕, 大家凍住黎食熱野, 去貨好快, 即時清左兩底!! 我唔敢拎出事的蘿蔔糕出黎...
初三過後姑姐話自己隊左我整果盒蘿蔔糕, 她話味道無唔妥, 而我地初五招呼朋友時發現味道可以, 同一batch蘿蔔糕黎喎, 點解初一攪成咁?! 得出結論係初一時阿媽煎得唔夠耐, 蘿蔔糕仲係白晒晒, 裡內味道仲未煎香就上碟, 當我提阿媽下次要煎耐d先好食, 始終雪住左雪櫃幾天, 她即時回應: 咁下次你自己煎番啦! @.@ 一年一度行花市活動又黎, 今年年三十晚一收工即碌去太子花墟, 原來呢個策略好成功, 一來5點鐘花市仲未好迫人, 二來我地7點去Moko食飯又唔使等位~~真係一舉兩得~~
今年乾貨店好有特式, 唔只得吹氣波波, 阿仔揀左個流星鎚, 仲係全場最後一個, 他完全滿心歡喜拎佢走, 而我揀左個願望木牌: 萬事有雙糧, 呢樣真係好緊要架, 木牌做得好精緻添! 再行去熟食檔又有驚喜, 日式一口牛, 韓式串燒, 芝士薯條, 仲發現了好耐無見的蛇羹, 倒上卜卜脆寧舍滋味~~ 一家人行花市係一個過年前的傳統節目, 祝願新一年的好開始! 今年約了舅父一家團年, 好似咁多年未試過, 表妹說很想吃日式放題, 特別訂了旺角神輿日式放題餐廳, 網上很好評語~~餐廳裝修富有日式神舍風格, 一入座見到本電話簿咁厚menu紙, 好似唔怕你order, 驚你唔飽feel, 阿仔堅開心咁tick Round One食物, 哈哈!! 以$200一位黎講魚生算好合格, 炸物非常好味, 不過好似叫多左壽司, 成幾板上即時好飽添~~表妹超愛燒紫薯, 可以連吃四串, 利害呀! 我覺得提供花茶消滯唔錯, 好有驚喜 :P 最重要舅父一家嘗面聚下~~
今年有幸被邀請開班自家製蘿蔔糕及馬蹄糕, 不過柴娃娃分享下點整, 水準唔及師傅級數~~
有姐姐幫手預先準備材料及切粒的確慳左唔少時間, 我地可以邊吹水邊炒臘味, 最痛苦炒蘿蔔絲拌粉時段, 兩個人用雙鏟抄到手軟再調味拌粉, 將熱辣辣的半熟粉馬上入盒, 非常生死時速, Angie即時投降只整呢幾底自家食算啦~~馬蹄糕相對容易好多, 煮好糖水加入切粒馬蹄再拌粉就攪掂, 過程15分鐘可以入盒, 她話都可以自己試下 :) 當然辛苦過後咬下第一口自家製蘿蔔糕, 她覺得一切都係值得既! 家教會落力攪活動, 我地家長一定要支持! 考試後第一撃: 嶺小精Lane保齡同樂日, 晨早9點到保齡球場報到, 現場非常熱鬧, 連校長都有出席, 我地無啦啦參與比賽(一家長+一學生為一組), 好多真人不露相的家長打得好勁, 野野全中, 而我地打得麻麻地志在參與, 偶有碌坑食蛋, 阿仔唔輸得心態下樣子相當認真=.=" 比賽後大家去Panda Hotel享用Buffet, 食品選擇唔算好多, 不過安排坐得好舒服, 家教會可以包起Ballroom黎俾大家飲飲食食+抽獎, 其實已經好叻, 辛苦晒一班老師及義工 !
阿仔抽中兩份獎品, 一份是國產鱷魚機 (玩兩隻無晒反應), 另一份是雪糕機 (其實勁唔想要, 因為屋企已經有一部, 玩左幾次無用), 不過阿仔覺得搶到最後一部好威 O_o 2017除夕日, 龍貓隊再次上台為奧比斯的演出, 回想Music Life安排阿仔第一次上台表演, 同樣是奧比斯的活動, 當時他只學了兩個月, 台下的我比阿仔仲緊張, 只要順利完成首歌已經當"好彩", 而今天他已經輕鬆面對, 上台時會check咪線試彈, 待大家確定了有默契地開始, 有一種老練的感覺~~舞台經驗帶俾人信心~~
我很surprise芳芳跟Ken到現場支持, 阿仔忽然顯得有點怕羞, 因為奧比斯節目推早左, 所以我打算提早完成, 趕回大家樂取party food, 沒想到佢地特意前來支持一番, 果刻好感動 :D |
Oscarmama拒絕做怪獸家長, 希望每週可以跟孩子好好去玩, 讓他體驗讀書以外的甜酸苦辣, 享受生活首要讓自己確實的體會, 感到生命的動力。 |
我的网站 | blog |